主页 > S品生活 >TVB重头剧《殭》睇前4大分析! >

TVB重头剧《殭》睇前4大分析!

发布时间:2020-06-09   浏览量:167   

 

无线重头剧之一《殭》今晚(4月11日)开播啦,有传係要嚟对Viu TV嘅秘密武器之一!套剧以殭尸为主题,少不免令众多网民回想香港神剧之一嘅《我和殭尸有个约会》,唔少网民都寄望会拍返当年质素,不过套剧拍成点就暂时係未知之数~但讲到明係重头剧,今晚又有无望可以喺Viu TV嘅节目中抢返啲收视呢?不如我哋一齐望望《殭》有乜来头先!

1 大玩食字位

TVB 剧集人名玩开食字就见怪不怪,但今次《殭》嘅玩法可以话係出神入化!今次由人名到剧情细节都唔放过,食字程度仲畀网民话似用咗中二病(此词来自日本,意指以夸张嘅虚幻世界套到现实中)命名法,劲似以前中学时期睇开嘅网络爱情小说,劲骑呢!

离地角色名

由郑嘉颖饰演嘅不死人叫刑活着,係未寓意指仍然活着?陈嘉宝、黄又南两兄妹又叫何年同何月,谢安琪、陈凯琳两姊妹一个叫蓝梦南,一个叫蓝梦瑶,似足旧时啲爱情小说女角名,仲未计罗兰姐叫黄紫红、陈山聪叫凌风、秦煌叫拜金坚……妈阿,呢啲名好离地呀!

TVB重头剧《殭》睇前4大分析!

食字细节位

说话原来郑嘉颖喺剧中主理一间餐厅,而呢间餐厅名叫「夜唔夜」……即刻令网民谂起万梓良喺《专钓大鑩》嘅金句……

TVB重头剧《殭》睇前4大分析!

另外,原来剧中郑嘉颖亦係有一间专以训练杀殭尸门派嘅大佬,而呢个门派竟然係叫随意门,记者随即想起我哋由细睇到大嘅多拉A梦。

TVB重头剧《殭》睇前4大分析!

2《殭》左抄右抄同类剧?

《殭》宣传片推出后,就已经畀网民话丧炒过往同类剧集。其实,剧集故事嘅嘢又有咩话抄唔抄呀……记者觉得,都係如有雷同,实属巧合……只係今次巧合嘅地方就比较多……

同《我和殭尸有个约会》人物设定相似

睇返人物对照,就会发现《殭》同《我》嘅人物设定有异曲同功之妙之处,郑嘉颖嘅刑活着角色同尹天照喺《我》嘅况天祐两个都係由古代嚟到现代,一个喺明朝,一个就喺民初时期;另外两个都有与各个角色之间的聚脚点,一个係深宵食堂,一个係酒吧,同样比人倾计聚会!再者,两个角色功能都係不死人+砍妖除魔!

另外,二人亦总有几个跟班帮手做嘢。《殭》就以陈嘉宝、黄又南同陆永为郑嘉颖嘅入门弟子;《我》就以况家几代殭尸「帮拖」。

TVB重头剧《殭》睇前4大分析!

而且,两剧都总有个搞笑角色!当年《我》就有杜汶泽饰演嘅金正中做谐角;《殭》就有陆永做简霆斯为套剧营造搞笑气氛。唔知陆永发放笑弹拍住得当年嘅杜汶泽呢?

TVB重头剧《殭》睇前4大分析!

同埋当年《我》嘅马小玲出身嘅马家同《殭》嘅「随意门」又係好类似,又係有班人誓言要消灭殭尸……

TVB重头剧《殭》睇前4大分析!

嗱嗱嗱,唔好话我哋係唔係都话佢抄嘢呀,事关无线早前嘅《老表,你好hea》早有前科,抄足马小灵同况天佑嘅情节嚟抽水㗎!

 

抄足美剧《点到即止》特异功能

女神Kay饰演嘅女殭尸角色有一个名为「一指灵」嘅特异功能,只要指一指尸体,就可以令尸体甦醒一分钟。而于2010年喺明珠台播过美剧《点到即止》(Pushing Daisies)嘅主角又係可以指一指就令人起死回生一分钟,记者估,都係咁啱……挂。

TVB重头剧《殭》睇前4大分析!

深宵食堂vs《深夜食堂》?

剧目讲到明为郑嘉颖开间《夜唔夜》係深宵食堂,睇返啲场境同日本电影《深夜食堂》做比较,嗱!咪话一样呀,上下两张图係唔同㗎,真係咁「巧合」㗎咋!

TVB重头剧《殭》睇前4大分析!

3 千篇一律关係图

《殭》除咗讲殭尸线,男女感情线紧係唔少得,咪以为呢套剧有个咁创新嘅题材就会有複杂而深层次嘅人物关係呀,事关心水清嘅观众应该一睇无线出嘅人物关係图,应该就会推算到关係发展,咪就係都係A锺意B,B又暗恋C,C又锺意A,呢啲不变公式,唔明讲紧咩?睇吓下面两个框就明啦!

TVB重头剧《殭》睇前4大分析!

4《彊》播映前夕 网民反应

网民对呢套剧嘅期望各有差异,部分网民话期待女神Kay 嘅首次电视作品,亦大讚题材吸引,但亦有网民话怕呢套剧只係多套剧嘅合成之作,而且剧集选角唔吸引。

TVB重头剧《殭》睇前4大分析!

TVB重头剧《殭》睇前4大分析!

TVB重头剧《殭》睇前4大分析!

TVB重头剧《殭》睇前4大分析!

唔知大家今晚又会拣Viu TV定TVB呢?

TVB重头剧《殭》睇前4大分析!

上一篇: 下一篇: